Undanhald trúar í Bandaríkjunum

Pew Research Center kannar stöðugt hugi fólks til margvíslegustu mála og á dögunum var kannað hvernig trúfesti Bandaríkjamanna væri háttað. Þetta var ekki í fyrsta skipti sem þetta var gert, en niðurstöður þessarar könnunar eru hins vegar nýmæli því í þær sýna nú að trúlausir eru nú stærsti einstaki þjóðfélagshópurinn í Bandaríkjunum ef horft er á þau út frá trú. Grafið undir greininni sýnir helstu niðurstöður könnunarinnar, en áhugavert er að hlutfall trúlausra hækkar um 50% á milli áranna 2008 og 2016 þegar það fer úr 14% í 21%. Kaþólikkar sleikja sárin því þeir eru nú 20% í stað 23% fyrir átta árum. Boðunarkirkjan heldur sínum 20%, en hvítir mótmælendur fara úr 19% í 14%.

Þá er áhugavert að sjá að þeim fækkar sem telja guðshús skipta mál í úrlausn félagslegra álitamála, en þeir voru 75% árið 2008 en eru 58% nú átta árum síðar. Þá fækkar þeim einnig sem telja mikilvægt að forseti Bandaríkjanna hafi sterkar taugar til trúar; voru 72% en eru nú 62%.

Allt bendir þetta í sömu átt. Með ungu fólki kemur fálæti í garð trúar á meðan hún á sér helst vígi í efri aldurshópum. Ekki þarf mikla spádómsgáfu til að sjá hvernig þetta endar ef svo fer sem horfir.

Trú í BNA
Create column charts

Athugasemdir

[Sigurður Rósant, 23.3.2017 kl. 13:14]

Ég eignaðist bók sem hét 'Religions in America' í kringum árið 1970. Utan á henni stóð m.a. 66 million do not belong to any church - what do they belive in?

Í þesari bók sem var eftir Leo Rosten var flestum trúarbrögðum í USA gerð skil. M.a. kom fram að 36% Bandaríkjamanna tilheyrðu þá ekki neinni trú.

Í seinni útgáfum af sömu bók, var aldrei minnst á þennan stóra hóp sem ekki tilheyrði neinu trúfélagi. Beittu yfirvöld Leo Rosten þvingunum? Er nokkuð hægt að komast að hinu sanna með könnunum eins og frá Pew? Ég hreinlega efast um það. En enn þann dag í dag, er ég þeirrar trúar að 36% Bandaríkjamanna tilheyri ekki neinu trúfélagi. 14 - 21% virkar sem óáreiðanleg niðurstaða.