Góði Guð, er smokkurinn þá ekki svo slæmur!?

Í gær heyrði ég þau ánægjulegu tíðindi að alnæmis-faraldurinn í Suður-Afríku virðist á ekki jafn ágengur og áður skv. frétt BBC World Service. Þrátt fyrir þetta er staðan verulega slæm þar ytra, en öll merki batnaðar eru góð og vonandi reynist hið fornkveðna satt að mjór sé mikils vísir.

Skv. frétt BBC má rekja þetta að hluta til aukinni notkunar smokksins sem flestir heilvita menn vita og gera sér grein fyrir að er lífsnauðsynlegur, í orðsins fyllstu merkingu, í baráttunni við þann gamla fjanda, alnæmið. Því er sorglegt að jafn áhrifamikil stofnun og kaþólska kirkjan skuli ítrekað beita sér fyrir því að sauðir hennar njóti ekki smokksins. Ótal og mörgum sinnum hefur kaþólsku kirkjunni verið gerð grein fyrir þessum einföldu staðreyndum, en hún þráast ætíð við. Hvers vegna, það er óútskýrt mál.

Vonandi ratar þessi fyrrnefnda frétt inn á borð til Ratzinger páfa og vonandi les hann hana með opnum hug. En ég myndi þó ekki veðja á það!

Athugasemdir

[DoctorE 10.6.2009 kl. 18:56]

Ég sagði einmitt frá þessu í gær... mun þetta breyta einhverju með morðingjana í kaþólsku kirkjunni... veit ekki, en ég vona að þess verði ekki langt að bíða að páfinn sjálfur verði settur í steininn...

Svo segja menn að páfa hafi brugðið með barnaníðinga kirkjunnar á írlandi, halló páfinn var einmitt sá maður sem útbjó feluleik kirkjunnar.

Hann vissi nákvæmlega hvað var í gangi.

[enok 11.6.2009 kl. 18:30]

Þó að páfinn sé á móti verjum, er það ekki endilega skoðun sjálfs Guðs . Guð vék augliti sínu frá páfaveldinu c.a 300 árum eftir Krist, og kemur ekki til með að líta þangað aftur !