Dásamlegur fulltrúi kristinna gilda

Michele Bachmann og mannvitsbrekkan Sarah Palin eru dásamlegar sendingar, beint úr Guðs ranni.

En þrátt fyrir að þær séu skondnar í takmarkalítilli vitleysu sinni, þá væri það algjör bölvun fyrir gjörvalla heimsbyggð ef önnur þeirra næði kjöri sem forseti BNA. Reyndar er það þannig með Michele Bachmann að í raun yrði maðurinn hennar kjörinn því hún, sem góð og gegn kristin kona, telur að hún þurfi að lúta hans vilja í einu og öllu. Enda er það svo að hann hefur stýrt henni eins og viljalausu vélmenni í gegnum þann frama sem hún hefur notið. Kellingargreyið virðist bara ekki geta tekið sjálfstæða ákvörðun skv. því sem hún segir sjálf!

Já, sannarlega er hún frábær sending beint úr himnaranni :) ... eitt það besta sem kristnir geta teflt fram þar ytra!

„Enga samkynhneigða í herinn"

Athugasemdir

[Da Truth 15.8.2011 kl. 00:05]

Þessi kona er því miður ekkert fjær því að vera fær um sjálfstæða hugsun en venjulegur Demókrati eða hefðbundnari tegund repúblikana, en hvor flokkurinn um sig er 95% skipaður 100% sauðum, sem tilheyra reyndar fjölmennari sértrúarhreyfingu en Michelle, en eru jafn ófærir um sjálfstæða, hvað þá heimspekilega hugsun fyrir því. Hinn venjulegi Íslendingur er sömuleiðis ófær um sjálfstæða hugsun. Hann fellur í einhvern einn kassa, er svo sem frjálshyggjumaður eða Samfylkingarmaður og svo framvegis og 99% sammála vinum og kunningjum af sama meiði í öllum sínum skoðunum, enda í raun og sanni ekki maður, heldur mun frekar vel taminn api eða páfagaukur, og eini munurinn á honum eða manni í Krossinum, er að hann er vélmenni prógrammerað af vinsælla og algengara, almennara forriti, en til dæmis maður í Vottum Jehóva af sama "sauðahúsi" og hann sjálfur, sem er prógrammeraður af nördalegra og sérviskulegra forrit. Hvor um sig er þó nákvæmlega sama eðlis= sauður!!!

Maður sem hefur engar sterkar óvenjulegar skoðanir, sem ekki falla vel að hans "týpu", eða "kassa", og maður sem er sammála flokksbræðrum og svipuðu fólki úr sama kassa um nánast allt...er einfaldlega ekki maður, bara fylgihlutur, viljalaus strengjabrúða og velprógrammerað vélmenni.

[Da Truth 15.8.2011 kl. 00:09]

Svo er Michelle ekkert verri en aðrir þó hún skuli hlýða eiginmanninum sínum í einu og öllu. Ef hann er eins og flestir menn, hlýðir hann boðum og bönnum síns "hóps" í einu og öllu, allt frá því að fötin hans falla í ákveðinn ramma, sem og skoðanir hans á stóru og smáu. 99% mannkyns hlýðir almenningsáliti síns eigin hóps, flokksbræðra, trúbræðra og svo framvegis, auglýsingum og innrætingu 100% og er auðveldara að hafa áhrif á þau heldur en auðtamdasta og auðsveipasta páfagauk. Michelle ætti að fá orðu fyrir að ólíkt 99% fávita, þora að viðurkenna alla vega að hlýða kallinum bara í einu og öllu, nokkuð sem allir meintu "karlmennirnir" fást seint til að gera, þar sem þeir vafra um gasprandi fyrirsjáanlega sem vélmenni, marserandi í takt, framkvæmandi fyrirmæli eins 100% nákvæmlega og ef um tölvu væri að ræða!!! Ég legg til að maður Michelle stofni sérstakt prógramm fyrir allra flokka sauði af öllu tagi, sem snúist um það að fá heilalausa hálfvita til að koma út úr skápnum sem slíkir "I obey...the commercials...my friends...my party....my people....and I AM PROUD!!!" gætu þeir sagt, eins og hin hugaða Michelle.

[DoctorE 15.8.2011 kl. 07:56]

Ég veit ekki hvað þú ert að bulla Da Truth, en það er amk ekki sannleikurinn; Sannleikurinn er að Bachmann er fucking fáviti..

[Guðni 15.8.2011 kl. 14:46]

Heh heh, að mínum dómi er talsvert vit í Da Truth, allavega meira en hinu. Hvaða vit er í því að í raun sé eiginmaðurinn kjörinn... því ef svo væri þá hefði hann bara sjálfur verið í framboði... það er ekki eins og þessar konur séu ekki búnar að fá sig kosnar fram að þessu. Og hvað kristilegt innræti varðar, þá er óþarfi að hraðstimpla þær sjálfkrafa sem hlægilega fávita. Orðbragðið lýsir innri manni. Kannski þarna inni sé þetta forrit sem Da Truth lýsir og gerir viðbrögð þín Óli Jón, og DrE, svo fyrirsjáanleg. Með öðrum orðum: dæmir fyrirfram. Fordæmir. Fordómar.

[Óli Jón, 15.8.2011 kl. 15:26]

Guðni: Þú misskilur bersýnilega orðið 'fordómar', en það merkir að dæma fyrir fram án þess að þekkja forsendur. Hvað varðar Michele Bachmann og Sarah Palin, þá eru fram komnar nægilegar forsendur til þess að hægt sé að mynda sér skoðun á þeim. Þar sem þú virðist hafa farið á mis við margar af þeim perlum sem þessar Guðs útvöldu freyjur hafa gefið okkur, þá hvet ég þig til þess að kynna þér eftirfarandi:

Nokkur ummæli Michele Bachmann

Hér er perla frá henni þar sem hún úttalar sig um kosti þess að afnema lágmarkslaun:

If we took away the minimum wage — if conceivably it was gone — we could potentially virtually wipe out unemployment completely because we would be able to offer jobs at whatever level.

Hún telur s.s. að helsta vonin til þess að útrýma atvinnuleysi sé sú að afnema lágmarkslaun því þá verði hægt að bjóða vinnu 'á öllum stigum'. :)

Hvað varðar það að maðurinn hefði verði í raun kjörinn forseti í hennar stað, þá þarf bara að horfa á hana sjálfa skýra út hvernig kallinn hennar hefur markað henni leið í gegnum lífið. Hún virðist aldrei hafa haft áhuga á því að gera nokkurn hlut, en alltaf sauðast til þess að gera bara það sem kallinn hennar (og Guð) hafa boðað henni.

Nokkur ummæli frá Sarah Palin

Hér viðurkennir Palin að hún viti ekki hvort Afríka sé land eða heimsálfa:

So we discussed what was going on in Africa. And never, ever did I talk about, Well, gee, is it a country or is it a continent, I just don't know about this issue.

Athugaðu að hér er aðeins tæpt á örfáum af þeim ótal vitleysum sem þessar konur hafa látið frá sér fara. Af nægu er að taka og hvet ég þig til þess að Gúgla þetta og renna þér svo í skemmtilesturinn eða hryllingslesturinn, eftir smekk. 

Ágæti Guðni ... ef þessar mannvitsbrekkur nægja þér, þá er það algjörlega þitt mál. Hins vegar ættirðu að kanna málin ögn betur áður en þú ferð að slá um þig með orðum sem þú, að því er virðist, þekkir ekki sjálfur :)

[Arnar, 16.8.2011 kl. 16:37]

Ef einhver heldur virkilega að hún sé ekki snældu ruglaður klikkhaus:

(TheYoungTurks) http://www.youtube.com/watch?v=9isbCdz43QU&feature=feedu