Kaþólskir barma sér

Í frétt á Reuters kemur fram að forstjórum kaþólsku kirkjunnar þykir að sér vegið þegar þeir fá ekki umvöndunarlaust að ausa úr djúpum og myrkum fordómabrunni sínum yfir samkynhneigða. Einn af millistjórnendunum í Vatikaninu, Silvano Maria Tomasi, bar sig sérstaklega aumlega á fundi hjá mannréttindaráði Sameinuðu þjóðanna og þótti miður að kaþólska kirkjan þyrfti að sæta átölum fyrir linnulausar og ljótar árásir á samkynhneigða. Eymingja Silvano.

Honum finnst það vera grundvallar mannréttindi að geta hrakyrt, smánað og gert lítið úr stórum þjóðfélagshópi og telur alveg ótækt að aðrir skuli hafa rétt til þess að segja kirkjunni til syndanna vegna þessa.

Við höfum öll mikla samúð með kaþólsku kirkjunni í þessu efnum, reikna ég með, og þá sérstaklega þegar spjátrungurinn Silvano bendir á að ríki geti nú vel sett lög gegn óeðli samkynhneigðarinnar. Hann segir orðrétt; "En ríki geta og verða að lögstýra hegðun, þ.m.t. hvers konar kynferðislegri hegðun."

Svo klykkir þessi dásamlegi dánumaður út með því að setja samkynhneigð flokk með barnagirnd og sifjaspelli og segir óbeint að það verði hreinlega að banna hana með lögum.* Þessi flokkun á samkynhneigð tíðkast víða og þ.m.t. hér heima þar sem besti kaþólikki í heimi flokkar t.d. barnagirnd óhikað og vífilengjulaust með samkynhneigð, sbr. þessa grein.

Guð blessi okkur öll og sérstaklega kaþólikkana sem eru óþreytandi í baráttu sinni gegn samkynhneigðum þar sem þeir ganga alveg örugglega erinda himnaþrenningarinnar. Ég er viss um að þeir eiga í vændum sérstakan stað hjá Jesúsi Jósepssyni fyrir verk sín.

* Þegar því er lokið, þá mun hann mæla fyrir því að jörðin verði aftur talin flöt og að hún sé miðja alheims. Svo mun hann stinga upp á því að sala aflátsbréfa verði tekin upp aftur því einhvern veginn verður að vera hægt að hvítþvo svarta samvisku kaþólikka í framtíðinni og hvað er betra til þess en skínandi flott aflátsbréf frá www.páfinn.is?

Athugasemdir

[Jón Steinar Ragnarsson, 22.4.2011 kl. 21:59]

Hann hefði nú líka getað skellt örvhentum með. Það er svipuð prósenta, eða ríflega 10%. Þeim hefur alla tíð verið uppsigað við þennan "galla" og enn eimir af þessu í Lúterskunni líka. Börn á að venja af þessu og enn eru dæmi um harðar refsingar og þvinganir í Kaþólskum skólum þar sem vinstri hendur eru bundnar aftur á bak í skólum.

Það kaldhæðnislega er að Leonardo Da Vinci, Michaelangelo og Rafael voru allir örvhentir og svo að sjálfsögðu ég. Á kristnum grunni var reynt að þvinga þetta úr mér með alskyns tortúr.

Hvers vegna skyldi þetta vera?

[Jón Steinar Ragnarsson, 22.4.2011 kl. 22:03]

Smá quote:

• Christianity is strongly based towards the right hand. It is the right had that gives the blessing and make the sign of the cross.
• On one count, the bible contains over 100 favourable reference to the right-hand and 25 unfavourable references to the left-hand. E.g.: The right hand of the lord doeth valiantly, the right hand of the lord is exalted (Psalm 118 vv15,16)
• The left hand does worst in the parable of the sheep and goats. The sheep are set on Christ’s right hand and the goats on the left. Those on the right inherit the kingdom of god while those on the let depart into everlasting fire.

[Jón Steinar Ragnarsson, 22.4.2011 kl. 22:10]

Kristnum er annars uppálagt að vera illa við allt og alla nema Jesú. Já hata allt og alla raunar.

Lúk. 14:26 “Ef einhver kemur til mín og hatar ekki föður sinn og móður, konu og börn, bræður og systur og enda sitt eigið líf, sá getur ekki verið lærisveinn minn”, 

[Helgi Armannsson 23.4.2011 kl. 00:14]

RELIGION : Distortion of the Universal Truth 1 of 5

tetta er dalitid lant en vel tes virdi

http://www.youtube.com/watch?v=7EQ-UUK3wRU&playnext=1&list=PL7C2F4D0D366AD241

[doctore 23.4.2011 kl. 17:04]

Ætli stærsti og elsti banraníðingshringur í heimi, kaþóslka kirkjan; Mér segir svo hugur að hún verði fyrst til að hverfa.
Menn þurfa jú að vera vanvitar og ruglukollar til þess að tengja nafn sitt við þennan níðingshring sem kaþólska kirkjan er.