Dæmalaust vitlaus tillaga til þingsályktunar varðandi Ríkistrúboðið

Nú hefur misfríður flokkur þingmanna lagt fram tillögu til þingsályktunar vegna umræðu um umsvif Ríkiskirkjunnar í leik- og grunnskólum. Þetta fólk virðist algjörlega fullvisst um að kristni muni hreinlega gufa upp á Íslandi ef trúboð verður tekið úr starfi leik- og grunnskóla og auðvitað er því ekki rótt.

Ég hnýt um margar setningar í þessu ómerkilega plaggi, en þó þessa sérstaklega:

Þess verði gætt að mannréttindi minnihlutahópa hvað varðar trú og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.

Þarna er talað um að í skólastarfinu verði reynt að haga málum þannig að sem flestir geti við unað þegar kemur að trúmálum. Einnig er talað um að leysa eigi ágreiningsmál sem upp kunna að koma :) Hvaða ágreiningsmál koma upp í skólanum varðandi t.d. stærðfræði, ensku, lestur eða heimilisfræði? Engin! Ég hef um nokkra hríð haldið því fram að ekkert í skólastarfi hafi sundrandi eiginleika nema trúin og aðkoma hennar og því prófaði ég að máta nokkur önnur orð í staðinn fyrir orðið 'trú' og er niðurstöðurnar hér:

• Þess verði gætt að mannréttindi minnihlutahópa hvað varðar leikfimi og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.
  
  
• Þess verði gætt að mannréttindi minnihlutahópa hvað varðar stærðfræði og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.
  
  
• Þess verði gætt að mannréttindi minnihlutahópa hvað varðar hannyrðir og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.
  
  
• Þess verði gætt að mannréttindi minnihlutahópa hvað varðar lestur og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.
  
  
• Þess verði gætt að mannréttindi minnihlutahópa hvað varðar líffræði og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.
  
  
• Þess verði gætt að mannréttindi minnihlutahópa hvað varðar ensku og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.
  
  
• Þess verði gætt að mannréttindi minnihlutahópa hvað varðar forritun og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.
  
  
• Þess verði gætt að mannréttindi minnihlutahópa hvað varðar smíðar og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.
  
  
• Þess verði gætt að mannréttindi minnihlutahópa hvað varðar heimilisfræði og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.
  
  
• Þess verði gætt að mannréttindi minnihlutahópa hvað varðar náttúrufræði og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.
  
  
• Þess verði gætt að mannréttindi minnihlutahópa hvað varðar föndur og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.
  
  
• Þess verði gætt að mannréttindi minnihlutahópa hvað varðar tónmennt og lífsviðhorf verði í heiðri höfð og leitast verði við að leysa ágreiningsmál sem upp kunna að koma með sátt þannig að sem flestir geti við unað.

Svona má lengi reyna að máta hin ýmsu fög sem boðið er upp á grunnskólum inn í þessa setningu, en alltaf sést að niðurlag hennar, 'þannig að sem flestir geti vel við unað.' á hvergi við nema þegar orðið trú er sett þarna inn. Sýnir þetta ekki best hversu illa aðkoma trúarinnar leikur skólastarfið þegar það er umfram eðlilega og almenna kynningu á trú? Ef trúin er tekin út úr skólanum geta allir vel við unað, ekki bara flestir. Það er leitt að þetta fólk, og nokkrir aðrir, skuli ekki sjá það og finnist óhelgur tilgangur þess geta helgað þetta ógeðfellda meðal.

Það er leitt að þetta fólk skuli sætta sig við að bara flest börn geti vel við unað í stað allra.

Í tillögunni er talað um rétt Gideon-félagsins til að dreifa Nýja testamentinu í skólum. Það er algjörlega sjálfsagt að taka fyrir þessar heimsóknir vegna þess að ekki stendur til að banna Gideon-félaginu að dreifa þessari bók nokkurs staðar annars staðar. Nei, það dugar samt ekki, það verður að ná til allra ungra grunnskólabarna, annað dugar ekki.

Að lokum bið ég trúaða foreldra að velta einu atriði fyrir sér. Þegar kemur að kennslu og fræðslu um trú eru þeir hæfastir allra gagnvart sínum börnum. Þeir eru alla jafna ekki hæfastir þegar kemur að stærðfræði, líffræði, hannyrðum eða tónmennt, en það getur enginn frætt börnin þeirra um þeirra eigin trú eins og þeir sjálfir.

Þá kemur að þessum æpandi spurningum. Af hverju vilja þeir þá láta skólann um þetta? Af hverju vilja þeir taka eitt það kærasta og dýrmætasta í þeirra lífi og láta aðra um að útskýra það fyrir börnum sínum?

Mér finnst þetta risa stór spurning sem aldrei hefur verið svarað :)

Athugasemdir

[doctore 26.11.2010 kl. 08:42]

Þingmenn íslands eru vanhæfir... Kristnir eru letihaugar sem nenna ekki að sinna börnum sínum og ala þau upp í trúarruglinu.

Þó svo að þingmenn geri eitthvað svona, þá þarf bara eina manneskju til að kæra málið fyrir mannréttindadómstól; BANG ísland dæmt fyrir að níðast á fólki/börnum/foreldrum

[Jón Steinar Ragnarsson, 26.11.2010 kl. 09:30]

Þetta er undarleg samsuða þar sem mannréttindaráð er véfengt á ótrúlega ósvífinn hátt og drullað yfir ályktun þess, auk þess sem reynt er að spila á tilfinningar í tengslum við Jólahald og þ.h.  Hvergi eru fullyrðingar rökstuddar.

Það er líka greinilegt að það á að láta þingið ákveða hver vilji "flestra" er og þá væntanlega vísa til tölfræði kirkjunnar um 90% hlutfall kristinna.  Hver tilgangurinn með þessu er er óljóst ef fer sem horfir með aðskilnað ríkis og kirkju, því þá ætti öllum slíkum þreifingum að vera sjálfhætt.

Það er ekki einungis látið lít svo út að kristni verði eytt úr landinu með að banna trúboð í skólum, heldur er það gefið í skyn að engin kennsla um trúarbrögð og siðfræði, sé fyrir í skólum.  Helberar blekkingar og lygi.

Hér er reynt að koma því inn að trúboð skilgreinist sem nám, og þá Kristni exklúsíft.  Talað er um NT sem námsgagn, en líklega eru 200 ár síðan það var nýtt sem slíkkt og þá til lestrarkennslu.  Vísað er til ályktanna fráóskilgreindum lobbyistum og samtökum, sem mér virðas ekki hafa neina lagalega né alþjóðlega skuldbindingu í för með sér. Þetta eru semsagt óháð lobbyistastofnun, sem berst fyrir auknu samstarfi skóla og trúarbragða.

Í ritinu Toledo Guiding Principles on Teaching about Religions and Beliefs in Public Schools, sem gefið var út af Office for Democratic institutions and Human Rights og Organization for Security and Co-operation in Europe er meðal annars hvatt til samstarfs menntastofnana og trúar- og lífsskoðanafélaga við gerð námskrár, námsefnis, kynningu á trúarbrögðum og notkunar á kynningarritum frá viðkomandi aðilum, að því gefnu að þau standist fræðilegt mat.

Þeir voga sér þó ekki að réttlæta trúboð heldur fræðslu um trúarbrögð á fræðilegum grunni, sem er akkúrat það fyrirkomulag, sem hér er fyrir.

Þetta plagg, sem vísað er í er annars vert að lesa, svona fyrir forvitnissakir. Þessi samtök virðist vera hápólitískt ígildi Amnesty int. með Kaþólskan grunn, enda eru þeir staðsettir í Póllandi.  Vafasöm og óviðeigandi tilvísun þarna í frumvarpinu og líklega fundin eftir mikla leit, en þó staðfestir hún í raun aðeins nálgun mannréttindaráðs.

Flytjendur telja vafalaust að þetta útlenda plagg gefi frumvarpinu einhverja vikt og ábúð, sem er í besta falli kjánalegt.

Einn skýrsluhöfunda er einhver Olof Olofsdottir (eins og það er skrifað) og væri gaman að fá að vita deili á henni.

[Jón Steinar Ragnarsson, 26.11.2010 kl. 09:56]

Mér sýnist við nánari skoðun að hér sé um stofnun að ræða, sem standi einmitt hörð gegn trúboði í skólum og eru dregin fram gömul dómsmál varðandi akkúrat það efni.

Málin fjalla um trúboð og þvingun til biblíulesturs í skólum, sem hefur verið kærð og málin unnin.

Það er hægt að finna þau flest á netinu ef maður peistar nafnið inn á google.  Mér sýnist að samtök þessi séu akkúrat að beita þeim rökum sem andstðingar trúboðs í skólum beita og vilji að þessu sé haldið frá skólum.

Þeir hafa því vísað í plagg, sem hrekur kröfu þeirra, frekar en nokkuð annað og þeim tekst ekki einu sinni að finna frumvarpinu stuðning í þeirri tilvitnun sem þeir birta út úr samhengiúr þessu fróðlega plaggi, sem þeir gera að einhverskonar hornsteini frumvarpsins. Kannski eru þeir svona slakir í ensku?

Enga reyfingu trúarrita, engar bænir og ekkert trúboð í opinberum menntastofnunum er rauði þráðurinn í skjalinu og niðurstaðan. Í aukinni fjölmenningu er betra að halda þessu aðskildu frá námi í stað þess að veita öllum trúbrotum aðgang og aðstöðu á svokölluðum jafnræðisgrunni.  Akkúrat málflutningur fulltrúa trúfrelsis.

[Jón Steinar Ragnarsson, 26.11.2010 kl. 10:30]

Ég er að lesa þetta plagg. Við höfum verið hluti af starfi þessarar stofnunnar frá 1973, en ekki gert mikið í að laga okkur að markmiðum hennar. Þetta er stofnun sem gefur út leiðbeiningar um kennslutilhögun í fræðslu um trúarbrögð með áherslu á hlutleysi og trúfrelsi, þar sem engu er gert hærra undir höfði en öðru í samhenginu. Þessa trúarbragðafrðslu er þegar að finna í skólum hér.

Rök stofnunarinnar og leiðbeiningar eru algerlega til samræmis við ályktun mannréttindaráðs og ganga jafnvel lengra. 

Í marmiðum segir þetta m.a.:

The starting point is the understanding that teaching about religions and beliefs is not
devotionally and denominationally oriented. It strives for student awareness of religions
and beliefs, but does not press for student acceptance of any of them; it sponsors study
about religions and beliefs, not their practice; it may expose students to a diversity of
religious and non-religious views, but does not impose any particular view; it educates
about religions and beliefs without promoting or denigrating any of them; it informs
students about various religions and beliefs, it does not seek to conform or convert students
to any particular religion or belief. Study about religions and beliefs should be
based on sound scholarship, which is an essential precondition for giving students both
a fair and deeper understanding of the various faith traditions.

Ég legg til að óskað verði eftir áliti þessarar stofnunnar, áður en lengra er haldið. Það álit verði svo lagt til grunns frumvarpi um málið.

Á þessu plaggi má sjá að mannréttindaráð hefur unnið ályktun sína hlutlaust og faglega og líklega tekið ið af þessu alþjóðlega samstarfi um efnið.

[Jón Steinar Ragnarsson, 26.11.2010 kl. 10:37]

Þesi texti er semsagt úr sama plaggi og þingmennirnir nota til réttlætingar frumvarpi um þver öfug markmið. Það væri gaman að fá að sjá glögga útekt þína eða jafnvel hins ljónskarpa trúfrelsingja Brynjólfs Þorvarðarsonar á þessu.